السلام عليكم

برضو هذا الحلى من كتاب نخبه الاطباق مع اضافاتي طبعا (هذا وانتي ماتحبينه ، اجل لو تحبينه وش سويتي )

عجبني فيه انه خفيف ولذيذ ، وكأنه جاهز

المقادير:

اقرأ بقية الموضوع…

.. قبل سنين ، من عام 2001 الى عام 2004 تقريبا ، طحت بقصص الانترنت ، اي قصه تنشر اكون من متابعينها ، والمتحمسين معاها ، وصلّت معاي الييين الاندماج والالتحام مع الشخصيات ، كرهت ساره وعبير ونوف (بطلات قصص) ، وحبيت دانة ونوره ومشاعل :D، ووالخ ..

.

.

عدت هذيك المرحله المراهقيه المتأخرة على خير ، وانشغلت بدراستي وكتبي ورواياتي الحقيقية :D  ، انا دائما اتسائل عن مؤلفين هالروايات ، الي عندهم هالحس الكتابي ، ليش ماينشرون اعمالهم في كتب ، أو باسمائهم الحقيقية ، عشان حفظ الحقوق ، هذا مأخذ عليهم

.

.

مره قريت روايه نتيه ، واندمجت فيها ، بعد فتره ، لقيتها في منتدى ثاني ، بس مغيّرين اسم البطلة من سارة الى مشاعل ، المشكله ان الي غيّر اسم البطله ، ماراجع الروايه مره ثانية، فمرات نقرا اسم البطله مشاعل ، وبعدين يصير ساره ، الين ماتشوش القراء ، اشوا اني قاريتها قبل ، ولا كان تشوشت حتى انا :Dالمأخذ الثاني ، التطويل المبالغ فيه ، والديتيلز الي مالها داعي ، بعدين الاحظ كلهم فلات كاركترز على قولة اختي شوكلاطة ،يعني مرّه طيبين او مثاليين ، او مرّه شريرين ، نادرا ماتلقين شخصية عادية زي الشخصيات الى في الحياة .والديتيلز ، آه يالديتيلز .. تقهر وتنرفز ، وغالبا ابطال القصص هذي مواصفاتهم :“طويل ومعضل وله سكسكوكه (او ديرتي ) كشخه وانيق وعنده فلوس وحنون ورومانسي ووالخ “” جميله  وبيضاء وشعرها طويل يوصل الين نص ظهرها رشيقه كشخه انيقه طيبه مع زوجها تحب امها وابوها ووالخ “

.

.

المأخذ الثالث :لما يكونون رايحين عزيمة ، ابغى اعرف ايش الخيال الواسع الي يحط لكل بنت من البنات لبس وستايل ،على سبيل المثال :“فاطمه لابسه فستان موف مع ذهبي ،ومسيحه شعرها الي كان مخصل بذهبي ، وطوله الين كتوفها (طال شوي) ، وحاطه مكياج خليجي ،مخلي شكلها جناناما نهى فكان فستانها احمر من زهير مراد ومكياجها خفيف وشعرها ملفلفه اطرافه ،وقاصه غره و لابسة بكلة برتقاليه…”

.

 بالله هذا وصف ؟؟ بالاخير كلهم يطلعون يجننون

.

المأخذ الرايع :سمريsummry الشخصيات كله على نفس السياق :

.
عائلة ابو فهد {سليمان}
ام فهد..{هيــــــــــــــــا}فهد:عمره32 سنه متزوج من بنت خالته هنوف وعمرها 27سنه وعندهم ولد اسمه سليمان عمره 4 سنوات وبنت اسمها شهد عمرها سنتين وهو يشتغل مه ابوه في الشركه— لمى:عمرها 27 سنه متزوجه محمد ولد خالتها وعندها بنت عمرها 6سنوات اسمها نجود وولد عمره 4 سنوات واسمه نواف وهي حامل في الشهر الرابع—–فيصل:عمره 26 سنه وعلا قته مع ابوه قويه… وهو يشتغل مع ابوه —–رغد:عمرها 22 سنه تدرس في الجامعه —فواز : عمره 21سنه يدرس في الكليه العسكريه وهو شخصيه مرحه—عنود:عمرها 18 سنه وهي عي ثالث ثانوي علمي —-مثال آخر :مشاعل : عمرها 20 تدرس بالجامعه قسم فنون جميله (رسامه)خخخخخ
طولها 168 — وزنها 55 — شعرها طويل مدرج قاصه فراوله لوووول (كامل الاوصاف )
بني اللون وعيونها عسليه جميله فيها من البراءه مايكفي لنشر السلام للعالم (الله اكبر)
مملوحه وناعمه وطيووووبه وخفيفه دم بس انها عصبيه ودلوعه ولازم رغباتها تتنفذ (ياي)
مغروره فيها ميزه انها عنيده مره يعني ماتترك شي ببالها لما تسويهمثال اخير:عائلة محمد:
عبداللة30سنة متزوج عندولدأسمه محمد وبنت أسمهارهف
)جميل-أبيض-لة عوارض-عيونة وساع يلبس نظارة-متفهم(
بندر25سنة دارس ببريطانيا(حنطي البشرة-طويل-عريض المنكبين-وسيم-عيونة سود-وخشمة سلة سيف-ومسوي سكسوكة(البنات هم يلحقونة
ندى20سنة (مغرورة-حلوة-شايفة نفسها-نظرتها حادة)تدرس بجامعة الملك فيصل قسم تسويق
نور17سنةثالث ثانوي قسم علمي ناعمة مرة-طيبة-هادية-عكس ندى
فهد16سنةثاني ثانوي قسم تجارةوسيم طالع على اخوانة مرح وربشة مره وهوفاكهة ونكتت البيت
مريم=أم عبداللة(صارمة شوي مع أعيالها(
محمد=أبوعبداللة(إنسان طيب(
عائلة طلال
نايف25سنة دارس ببريطانياصديق بندر الروح بالروح
)وسيم مثل بندركل الي يشوفهم يحسبهم أخوان طيب بس عنيد(
غلا20سنة(بنت حلوة-ناعمة-شعرهالين كتفهالونة بوني مخصل بأشقر

.

شفتوا كيف الوصف !!! كلهم حلوين !!!!!!!!!!!!!

.
اسماء القصص :

تعب قلبي ، بعادك عني بعثرني ،محتاج لها ،جروح قلبي ، خطاي اني تحملت ومدري ايش (خبره خخخخ :D) بالله الرومانسيه متفشيه في المجتمع السعودي لهالدرجه؟وكل الروايه الى النهاية حب وغرام يكون يااما : شافو بعض بالغلط وحبوا بعض والا يتزوجون ، أو راحت عند عيله بالغلط (زي قصه البنت الي بمكه خخخخ) وشافهم ولد العيله وحبها وتزوجها، وهلم جرّا ، بالاخير مافيه هدف !!

الي قصدته بهالبوست ، مو اني اذم (ذميتي وخلصتي ) ، بس فيه قصه ، كنا مره خاقين عليها ، واسلوبها الأدبي جدا عالي ، روايه بمعنى الكلمة،خالية من الوصف والتفاصيل الي مال امها داعي  ،لوأهملنا عنصر “الاطاله” الي فيها .الي هي رواية ” أنت لي ” اكيد انها مرّت عليكم

قبل فترة سمعت ان رواية “انت لي”  نشرت في كتاب بإسم الكاتبة الحقيقي  د.منى المرشود  ، انبسطت والله لهالخبر ، وان شاء الله اشتريها عما قريب  

معلومات الرواية

الرواية:- ( أَنْتَ لِيْ)
الكاتبة:- د. منى المرشود
الناشر:- أطياف للنشر والتوزيع بالتنسيق مع منتدى الساحل الشرقي واحة سيهات
القطع:- الكبير.
الصفحات:- 1117 صفحة
الطبعة:- الأولى 8200م
السعر:- 75ريالا

شكرا لمتابعتكم  وسعة صدركم ،،

السلام عليكم ..

قبل كم اسبوع الاستاذه الرائعه جدا : نوره   ، جابت لنا سلطه لذيذه جدا جدا ..المفروض انزلها من وقتها ، لكن قاتل الله العجز والكسل

اكلنا صوابعنا وراها    ..

اقترحت علي اني انزلها في البلوق ، وهذه هي  السلطه يانوره  ..

اقرأ بقية الموضوع…

السلام عليكم ..

في هذه التدوينه ،راح اتكلم عن التدوينه الي فاتت - فيميل لا تطالعين فيني لو سمحتي

دخلت المعرض ، زي ماقلتلكم ، وكلي شوق وقلبي يدق ، ،

المعرض على العموم كان مرتب ، ومنظم ، اعجبني الي يبيع في دار رياض الريّس ، لبناني عجوز شوي ، ويعطيك رأيه في الكتب ، اخذت منه بالبدايه كزهر اللوز او ابعد ، بعدين قالي ان اثر الفراشه اجدد ، انا سألته : ايش احسن ؟ قال كل شي لمحمود درويش مابنئدر نئول فيه شِي ..حسمت أمري واخذت أثر الفراشة   ..

مرّيت على دار الساقي ، واخذت منهم مزاج المدن ، لـ مي غصوب   ، سألتهم عن كتب الطاهر بن جلون ، لقيت تلك العتمه الباهره ، مالقيت “ان ترحل” ، قالي اللبناني الي يبيع ، تلقينها في دار الانتشار العربي أو الآداب ..

اقرأ بقية الموضوع…

انقر على الصوره لرؤيتها بحجم اكبر

السلام عليكم ..

يوم الثلاثاء ، الي فات -صح النوم-   رحت معرض الكتاب الي بالرياض   ،اقصد الي بالبحرين  كل ماقلت لأحد السالفه ، قالي ليه مانزلتي تدوينه بهالموضوع ..

بيني وبينكم انا غرت من  ندى الفجر  ، مع حفظ الفروقات طبعا

اقرأ بقية الموضوع…

المقادير :

اقرأ بقية الموضوع…